Truyen2U.Net quay lại rồi đây! Các bạn truy cập Truyen2U.Com. Mong các bạn tiếp tục ủng hộ truy cập tên miền mới này nhé! Mãi yêu... ♥

Ang dahilan ng iyong paglisan

Ako ay naintriga kaya hinanap ko sa Google ang pangalan mo.

Sabi nila tinapos mo daw ang buhay mo sa pamamagitan ng carbon monoxide mula sa kumpol ng mga uling.

Sabi ng kapatid mong babae nagpadala ka daw ng mensahe sa kanya ng pamamaalam. Ganito ang sinasabi ng lokal na pahayagan, "napakahirap na ng kalagayan ko, pakiusap hayaan mo na akong lumisan. Paki sabi sa lahat na ako ay lubos ng nabibigatan. Ito na ang huli kong mensahe."

Alam ko ayaw mong lumisan!

Subalit ang depresyon ay isang halimaw. Ito ay patuloy na umaaligid ligid sa iyo at handa kang silain at kuhanin ang iyong buhay sa pinakamahina mong kalagayan.

Samandaling nakaramdam ako ng pagkamuhi sa iyo. Sapagkat hindi mo Ito napagtagumpayan.

Punong puno ka ng buhay, puno ng pagmamahal, puno ng mga ngiti. Malamang na nagpunyagi ka ng lubos, nilabanan ang kapanglawang iyong nararamdaman na unti unting kumakain ng iyong pagkatao. Sa araw araw. Ngunit hindi mo Ito kasalanan.

https://youtu.be/NpTpEsE9G8c

Kaya naisip ko: "Hindi na niya ito kinaya. Malamang ilang araw na siyang hindi nakakatulog, hindi na niya nalalasahan ang kanyang mga pagkain, hindi na siya nakakaramdam ng pagmamahal. Kinailangan na niya ng mahimbing na pagkakatulog. Kaya nagpahinga na siya."

Isa kang pasyente, na merong malalang kalagayan. Ngunit nakaya mo pa ring patuloy na magtrabaho. Kung ako sa iyo, hindi ko makakaya ang alinman sa mga iyan. Ang lahat ng kasumpa sumpang pagkahapo ng kaisipan at katawang pisikal.

Malamang ilang libong oras mong pinag isipan ang bagay na iyan sa iyong kaisipan. Malamang nakaramdam ka na ng pangungulila at kawalan ng pag asa.

Ang pisikal na sakit na iyong nararanasan na tumimo na sa iyong kaisipan ay malamang na lubhang napakalaki.

Ang ganyang paglisan ay hindi madaling pamamaraan para sa akin. Malamang na hinugot mo ang iyong buong tapang upang magpasya na bitawan mo na ang iyong talento, ang iyong kinabukasan, ang iyong kayamanan, ang iyong mga tagahanga, ang iyong pamilya at ang iyong minamahal. Napakatapang mo ng sandaling iyon na iwanan ang maningning na kinabukasan na malamang na naghihintay sa iyo.

Kaya magpahinga ka na ng mainam, ikaw, na nilalang na hindi ko nakilala habang nabubuhay. Kailangan mo ng matulog ng mahimbing. Kahanga hanga ang iyong mga ginawa at ang iyong tapat na tagahanga ganun din ako ay buong katamisang mangungulila sa iyong pagkawala.

Kung kami man ay iyong minamasdan mula sa kalangitan o kung saan ka man naroroon, idako mo ang iyong kaluluwa dito sa aking mesang kapihan at tabihan mo ako, hayaan mong ikwento ko sa iyo ang mga kasaysayang aking nalaman mula ng ikaw ay lumisan.

Bạn đang đọc truyện trên: Truyen2U.Com