Maddie's POV

Paalis na ako ng bahay, dama ko sa buong katawan ko ang init ng araw. Papunta na ako sa mall, para bumili ng sketch book at isang marker.

Habang naglalakad ako, madami akong napagtanto. Madaming mga bagay ang pumapasok sa isip ko.

Mabilis nga talaga ang paglipas ng panahon. Malinaw na malinaw kong nakikita ang unti-unting pagkalagas ng mga puno at pagbitiw ng mga dahon sa sanga nito.

Napapangiti na lang ako kapag lagi akong dumadaan dito sa bakery. Amoy na amoy ko mula sa labas ang amoy ng spanish bread na kanilang niluluto. Nakaka-miss tuloy ang lasa ng spanish bread nila.

Masaya na akong nabubuhay ngayon, hindi katulad dati.

Pero kahit na masaya na ako sa buhay ko ngayon. Hindi pa rin ako perpekto. Kulang ako sa kakayahan, Kakayahang umunawa sa sinasabi ng iba. Basta isa lang ang pinapaniwalaan ko sa isip ko.

Hindi ako tanga, bingi lang ako.

Yes, I'm deaf.