ugtaw run!

Bangon run!

Sugo kang pinsar

sa matamad ko nga lawas

nga luyag pa raad magpahurum

sa mainit-init nga banig.

Kinahanglan mo magpanaw

magpasimpalad…

basi pa lang bay imo masandad

ang damgo nga nakita mo 

sa pinanid kang “Byuruk Sijang.”

Hay, kabudlay manghuram

kang huwad nga lenggwahe

kapin pa hay ang kolor ko kaki

kag ang akun irong

daw pinapa nga luy-a.

Ayte…sagad kaw man bay magpapunga-punga

kag maghaum-haum kang Kinorea?

Garing wara sanda galantaw kang abilidad

kondi kon sa diin ikaw naghalin nga syudad.

Rugya gid lang ako…

Panaw…padayuna ang pagdamgo.