Isang pamilyar na tawag ang narinig ni Czarina mula sa suot niyang hikaw.

At alam na niya kung sino ito, "Miggy! I can't believe it, you lied to me!" giit niya. Pinagbagsakan niya pa ito ng kamay mula sa hawak na manibela at hindi sinasadyang nakabig pakaliwa. Kamuntikan na tuloy niyang mahagip ang papasalubong na kotse dahil napalipat siya sa kabilang linya ng binabagtas niyang kalsada.

Nagdesisyon siyang itabi na muna ang sasakyan mula sa malawak na kalyeng kinaroroonan, para makausap din nang matino ang tiyuhin.

"I know galit ka. But you cannot blame me, nangyari na ang mga nangyari. Ka--kahit naman ako ay nagsisisi, kaya--- Please... Sana intindihin mo ako."

Panandaliang nanahimik si Czarina, napayuko ito at tila nag-iisip kung ano ang mga susunod na sasabihin.

(.....)

Lumipas pa ang ilang segundo. Hanggang sa si Miggy na rin mismo ang unang bumasag sa nakakabinging katahimikan sa pagitan nila.

"Czarina?" pangungumpirma ni Miggy kung nasa linya pa rin ba ito.

"Tsss..." bakas sa tono ni Czarina ang pagkadismaya niya. Kasunod nito ang hindi mapigilang paglalabas niya ng sama ng loob para sa tiyuhin. "Ano pa ba ang plano mo ang hindi ko alam? Dammit! Pwede ba, this time maging tapat ka sa akin!" may diin niyang sabi.

"Okay okay! I--I'm sorry, I know it was all my fault, but will you please allow me to give you, yo--your last mission? This would be your last, so please? Bumalik tayo sa unang plano and I promise you, after this, everything's gonna be fine."

Kahit kailan hindi na natin maibabalik sa dati ang lahat, Uncle, bulong ng isip ni Czarina.

"Tssss!" Ito na lang ang naitugon ni Czarina, pero nagdesisyon siyang sumang-ayon na lamang din sa mungkahi ng tiyuhin.

"Salamat sweetie, that's good to hear. You have to stay with me in this fight, para maipaghiganti natin ang buong Javier sa kanila, okay?" Pero walang natanggap si Miggy na tugon mula sa kabilang linya.

"Darwin just called me few minutes ago. I know, hawak mo ang seal ng pamilya natin, ano bang pinaplano mo?" tanong ni Miggy.

"Ililigtas ang isang kaibigan," diretsahang tugon ni Czarina.

"Teka, isusuko mo ang seal para lang sa isang babae na kakakilala mo pa lamang? Hindi ba't kahangalan ang gagawin mong iyan."

"Compared to what you have done to us Uncle!" Naramdaman ni Czarina ang biglaang pananahimik ni Miggy mula sa kabilang linya, dama niya na nagi-guilty ito sa mga sinabi niya. Hindi na rin niya kase napagilan na ibunton ang paninisi rito.

Nagpatuloy si Czarina sa pananalita at sa bawat salitang kaniyang binibitawan ay tila nanunumbalik na naman ang lahat ng sakit sa kaniya. "Dahil sa pagiging makasarili mo pati buong pamilya mo nagawa mong talikuran. Ni hindi mo nga naisip na baka mapahamak kami sa ginawa mong pagtatago. Uncle, hindi na lang basta ordinaryong kaibigan si Yllana para sa akin. She is my closest friend na mayroon ako ngayon, she's like my little sister and I am considering her as my very own family now. Kaya hindi mo ako masisisi kung ang natitirang pamilya na itinuturing ko ngayon, ay iligtas ko kahit ang maging kabayaran pa nito ay ang pagsuko sa lahat-lahat ng meron ako, kahit pa nga maging buhay ko pa ito. Hindi ako tutunganga at hahayaan na lamang mamatay ang mga taong importante sa akin sa gitna ng kamalayan ko! Kagaya ng ginawa mo Uncle. "

Napangisi pa si Czarina bago ulit nagpatuloy sa pagsasalita, "Mabuti pa nga siya, totoong nag-aalala sa akin. She never used me sa pansariling kagustuhan lamang. Kaya hindi kahangalan ang desisyon kong ito, gagawin ko lamang kung ano ang tama at ang dapat."

"Czarina, don't be stupid! Kahit ibigay mo iyan sa kanila, papatayin at papatayin pa rin nila kayo!"

"You're right Uncle, kaya nga hinahayaan kita ulit na mangealam sa plano ko dahil alam kong malaki ang maitutulong mo sa pagkakataong ito. Uncle maaari ba, this time bumawi ka sa pamilya natin, kahit dito man lamang ay maasahan ka bilang isang Javier."

Muling pumagitna ang katahimikan sa dalawa, ilang saglit lang ay binasag muli ito ni Miggy. "Sige tutulong ako, pero plano ko ang masusunod. Nagkakaintindihan ba tayo?"

Kagat-labi at napakapit nang mahigpit si Czarina sa manibela at muling nag-isip. "Sige, pumapayag ako!"

"Good, I'll see you tonight, I'll send you the address kung saan tayo mag-uusap, okay?"

"Okay."

***

Pagkatapos kausapin ni Miggy ang pamangkin ay dali-dali niyang pinaharurot ang sasakyan. Idinaan niya ang sasakyan sa isang drive thru ng isang fast food restaurant.

"Sir!" bati sa kaniya ng isang babae pagkatapat niya sa bintana. Wala pa man ino-order ay may inabot na ito na isang Box ng pizza sa kaniya.

"Thank you," nakangiti pa niyang tugon sa babae. Bago umalis ay sinilip niya muna ang nasa loob, nandoon nga ang mga files na hiningi niya. Nang makasigurado na nakuha na niya ang kailangan ay agad niyang nilisan ang lugar.

***

Samantala..

Sinusundan pa rin ni Caleb sa paglalakad ang nagmamadaling Former Director na si Darwin, sinusuyo niya ito. "Kailangan mo akong tulungang mahanap si Czarina." Patuloy niyang pagpupumilit. Ngunit nagpatuloy lang din sa paglalakad si Darwin habang pinapara ang bawat sasakyan na madadaan sa kanila. Nagbabakasaling hihintuan sila nito, isakay at agad makabalik sa siyudad.

"Para ano pa? Hindi mo ba nakuha ang nais iparating sa 'yo ni Czarina? MAKAKAGULO ka lang!" sigaw niya nang hindi itinutuon ang pansin sa binata.

"Pero hindi naman pwede na siya lang ang lumabang mag-isa, papayagan mo bang sumugod siya ng siya lamang?" Napahinto si Darwin at nilingon si Caleb, "Hindi hangal si Czarina para gawin iyon, malamang sa malamang nagkaayos na rin ang dalawa, dahil sa totoo lang kailangan nila ang isa't isa para manalo sa kalaban nika. Kaya ikaw, hayaan mong gawin ni Czarina ang sariling plano at huwag mo nang tangkain makidutdot o pigilan siya. Dahil uulitin ko, magkakagulo ka lang!"

"Okay! Kung ayaw mo akong tulungan, okay lang! Ako na lang ang gagawa ng paraan. Hindi lang naman ito tungkol kay Czarina, kapatid ko ang kinuha nila at hindi ako papayag na wala akong gagawin para maligtas siya." Napapailing pa ito matapos bitawan ang huling mensahe niya para sa former Director.

"Mawalang galang na, pero 'yong natitirang respeto, paggalang at mataas na pagtingin ko sa inyo, ngayon ay tuluyan nang nawala. Siguro nga ay nagkamali talaga ako ng inidolo at hinangaan,"dugtong pa niya. Pagkasabi nito ay sinadya niyang bungguin si Darwin at saka inunahan ito sa paglalakad. Tuluyan na ngang nagkahiwalay ang dalawa, habang nananatili pa rin nakatayo si Darwin at minamasdan niya ang papalayong Agent.

Lakad-takbo na ang ginagawa ni Caleb, sa kaniyang paglalakad ay nakakita siya ng maliit na tindahan. May telepono ito, kaya nakitawag siya. Agad niyang na idial ang numero ng kanilang opisina. Hinanap niya ang kaibigang si Arthuro, pero iba ang nakasagot sa kaniya.

"Sir Zembrano is that you?" tinig ng isang babae.

"Oo, Ako nga?"

"Sir, kanina ka pa namin kinokontak, pero walang kang response, may nangyare ba? Anyway, kasalukuyang na sa operasyon ang lahat maliban sa 'yo."

"Operation?"

"Yes, big operation. Sir, inaasahan ng lahat na nandoon ka, but it looks like na hindi ka makakasama sa operasyon na iyon," matabang na pananalita nito.

"I have some personal matters that needs a little consideration. Pasensiya na, tatawag na lang ulit ako." Hindi na niya hinintay ang isasagot sa kaniya ng kausap. Pagkatapos makatawag ay nagbayad na siya sa ale, napalingon na lamang siya nang makarinig ng sunod-sunod na busina ng truck.

Bumungad sa kaniya ang nakadungaw sa bintana na si Darwin, nakasakay ito sa isang truck at nakaupo katabi ng driver.

"Bata! I changed my mind, tutulungan kitang mahanap siya. Tama ka, this time may dapat akong gawin," pagkawika nito ay ngumiti ito. "Oh ano pang tinutunganga mo riyan, sumakay ka na at may mga prinsesa pa tayong ililigtas!" dagdag na biro nito.

Dali-daling tumalima si Caleb sa sasakyan at ngayon ay magkasabay nilang nilisan ang lugar kasama ang estrangherong nagmamay-ari ng sinasakyan nila.

***

Muling nag-dial at may tinawagan si Miggy habang nasa loob ng nakahintong niyang sasakyan. "Its Miggy Javier," pakilala niya.

" Gusto ko nang magkausap kami sa araw at oras na ibibigay ko."

(.....)

"Sabihin mo, ibibigay ko na ang gusto nilang makuha sa akin bilang kabayaran sa lahat."

(.....)

Pagkasaad nito ay ibinaba na niya ang kaniyang cellphone. Agad niyang pinaharurot ang sasakyan upang magkita at maipagpatuloy ulit nila ng pamangkin ang kanilang mga plano. Nai-text na rin niya kay Czarina ang lugar kung saan sila magtatagpo, ang lugar ay pagmamay-ari din niya at sadyang pribado at tago na kahit si Czarina ay hindi pa ito napupuntahan.

***

Pagsapit ng hapon ay nagtagpo na nga muli ang magtiyuhin, pilit pinanunumbalik ng dalawa ang dating samahan. Kailangan, dahil kung hindi ay siguradong nobenta porsyento ng kanilang plano ay hindi sila magtatagumpay. Kaya naman kapwa kinalimutan nila ang mga tampuhan at ang mga bagong katotohanan na sumambulat mismo sa kaalaman ng dalaga.

Malawak ang isa pang rest house ni Miggy. Kumpleto din ito sa mga modernong kagamitan na madalas nilang gamitin sa isang misyon.

Using those modern devices, Miggy can get the needed information regarding to their target so easy . Sa pagkakataong ito, kailangan nilang maging matalino sa bawat paggalaw at kumpleto sa bawat impormasyon, dahil hindi na biro ang huling misyon na kahaharapin nila. Kaya pinag-aralan mabuti ng magtiyuhin ang bawat pasikut-sikot at ang mga personal na impormasyon sa maaring makakalaban nila.

Kasalukuyang nag-eensayo si Czarina sa loob ng isang pribadong kwarto, kumpleto ang silid sa lahat ng gamit pangdepensa, mapa-martial arts weapons, guns at lahat ng mga pang work-out. Dito niya wino-work out ang iba't ibang skills na magagamit niya sa opensa at para madepensahan ang sarili. May pagkakataon na ka-sparring niya ang tiyuhin.

Habang si Miggy naman ay abala sa pag-aaral sa security system ng isang kumpanya at sa buong building kung saan naroon ang mga big bosses ng Two Heades snake na kilala niya. Kailangan niyang ma-hack, makontrol at mapag-aralan ng mabuti ang blueprint code at information ng nasabing establisyimento ng hindi nalalaman ng mga ito. Nahinto lang siya sa ginagawa nang mapansin sa CCTV camera sa labas ng bahay nila ang dalawang pamilyar na lalaki na lumabas mula sa nakahintong kotse.

Bumungad sa kaniya sina Darwin at Caleb. Nagbabalak pindutin ni Caleb ang doorbel ngunit pinigilan siya ni Darwin, "Hep! Ayaw ni Miggy na bubulagawin ang doorbell ng bahay niya."

"Pero papaano niya malalama--" Pinigilan siya ni Darwin sa pagsalita at ininguso ang labi sa CCTV na nakatutok na sa kanila. "Kung nandito nga sila, alam na rin niyang nandito tayo," panatag na paliwanag ni Darwin.

Hindi nga nagkamali si Darwin, dahil kusang bumukas ang maliit na gate. Mataas at makapal ang pader, ni hindi nga natatanaw ang bakuran nito kung titignan mula sa labas. Idagdag pa ang mga damong-gapang na halos bumalot na sa kahabaan ng pader. Pagkapasok nila ay sumalubong sa kanila si Miggy.

"Good to see you my friend," bungad na bati ni Miggy. Nagtapik-balikat pa sila ni Darwin habang tulala pa rin si Caleb at halos hindi makapaniwala sa kaniyang nakikita. Tunay na malakas pa nga ang pangangatawan ni Miggy kumpara sa Miggy Javier na una na niyang nakita sa isang telebisyon nang minsan siya ay interbyuhin. Matikas ito at may hitsura naman talaga. Halatang malinis ito sa pangangatawan at tila may ibubuga pa sa pisikal na labanan.

Nagbalik lang ang kaniyang isipan nang magtanong na sa kaniya si Miggy, "Marahil ikaw si Agent Caleb Zembrano?"

"A--ako nga," tugon niya.

"Kung ang hinahanap mo ay si Czarina, wala siya rito, may importanteng bagay akong pinagagawa sa kaniya."

"Hindi totoo iyan, nagsisinungaling na naman kayo!" Hindi napigilang bulyaw ni Caleb, may duda siya sa mga paliwanag nito. Kaya muli, hindi na naman niya nahinto ang sarili sa pagtaas ng boses, nagsisigaw siya. "Czarina! Czarina! Alam kong nandyan ka! Tutulong ako! Tutulungan kita!" Halos boses niya ang umaalingawngaw sa lugar, hindi inalintana ang mga sinabi ni Miggy sa kaniya.

"Kahit magsisigaw ka pa, walang sasagot sayo riyan. Dahil bukod sa akin, wala ng ibang tao ang narito." Binalot ng lungkot ang mukha ni Caleb, ngunit iba ang pakiwari ni Darwin. Kilala na niya ang kaibigan at alam niya kung kelan ito nagsasabi ng totoo at hindi.

At tama nga siya sa hinala, hindi kabado si Miggy kung magsisigaw man ang binata sa loob ng bahay niya dahil panatag si Miggy na walang maririnig ang pamangkin dahil ang silid na kinaroroonan nito ay sounds proof.

"Bata! Halika na!" yaya sa kaniya ni Darwin.

"Pero si Czarina! Paano siya?"

"Wala tayong magagawa kung wala siya rito, kaya mas mabuti pang umalis na lamang tayo." Papalag pa sana si Caleb, ngunit hinatak na siya ni Darwin para makalabas na sa teritoryo ng kaibigan.

"Mag-iingat kayo, hanggang sa susunod na lang nating pagkikita kaibigan!" Nag-salute pa si Miggy sa kaibigan.

Otomatikong nagsara ang gate, walang nagawa si Caleb kundi ang bumalik sa kanilang sasakyan ng nakabusangot. Tahimik siya at nakatingin sa lugar na pinanggalingan nila.

"Huwag kang mag-alala, may plano ako." Napatingin sa kaniya si Caleb.

"Ano?"

Napangisi pa si Darwin bago ulit nagsalita, "Magtiyuhin talaga sila, ayaw nila na may mangengealam sa mga plano nila. Hayaan mo bata, may naisip na akong paraan." Napatingin na lamang muli si Caleb sa kaniya, mga tingin na puno ng pagtataka.

***

Kinagabihan...

Laman ng bawat estasyon ng radyo at telebisyon ang buy bust operation na ginawa ng NBI sa tulong ng PDEA at ng iba pang mga departamento na kasama sa operasyon na iyon.

Masigla at puno ng buhay ang bawat mamamahayag sa kanilang pagbabalita sa kani-kanilang pinagtatrabahuang kumpanya,

"Isang malaking operasyon ang napasakamay ng PNP, NBI at PDEA, matapos ang matagumpay nilang pagmamatyag sa hinihinalaang malaking sindikato ng pilipinas. Isa ito sa maituturing na malaking tagumpay sa panig ng ating mga kapulisan matapos ang mahabang panahong pamamalakad ng grupo sa bansa sa pagtutulak at paggamit ng mga iligal at makabangong droga. Hindi lamang iyon, sila rin ang nasa likod ng mga Human Trafficking sa halos sunod-sunod na buwan blah blah blah..."

Halos di magkamayaw ang lahat makakuha lamang ng sa impormasyon sa kasalukuyang iniinterbyu na naging head ng operasyon na ito, walang iba kundi si Chief Montaro.

"As of now, this would be our first and official statement. This operation was a big help para maresolbahan ang lumalalang human trafficking dito sa atin at mapigilan ang mga bagong likhang iligal na droga na mismo sa bansa ginawa. Isa lang masasabi ko, hawak na namin ang mga malaking ebidensya na magdidiin sa mga responsable sa mga kalokohang ito!" pagkasaad nito ay kaniya-kaniyang flash ng Camera ang bumalot sa paligid, kaniya-kaniyang usap din at tanong ang mga media personnel na humahabol sa kanila.

"Ito ho ba ay konektado sa Two Headed Snake Syndicate?" tanong ng isang reporter.

"Ano ho ang tinutukoy ninyong bagong iligal na droga?" wika naman ng isa.

"Ibig sabihin ho ba, alam na ninyo ang pagkakakilanlan ng mga Drug Lord sa ating bansa?" tanong nang isa na halos magkandarapa na sa pagsunod kay Chief Montaro na patuloy lamang sa paglakad kahit pinagpipiyestahan na siya ng mga reporter. Ngunit hindi na siya nagbigay pa ng anumang pahayag at nagpatuloy lang sa paglalakad.

Samantala, isa-isa nang inilalabas ng pulisya ang mga nailigtas nila na kababaihan. Ang ilang kapulisan naman ay nakatutok sa mga balde-baldeng droga na magsisilbing ebidensiya para nga sa kasong iyon.

***

Sa kabilang banda...

Habang abala ang lahat, ay abala rin si Kathy na kunin at maibalik sa kaniya ang files na nauna na niyang naipadala ng palihim kay Miggy.

Sakay ng kulay asul niyang kotse ay may isang itim na kotse ang sumalubong at lumapit sa kaniya. Binuksan din niya ang bintana ng kaniyang kotse at may inabot mula sa bintana ng itim na kotse na iyon, isang folder. Agad niya itong kinuha at pagkatapos walang salita na naghiwalay ang dalawang kotse na para bang walang nangyare.

May bawas at dagdag na ang folder na hawak niya, ayon mismo sa gustong palabasin ni Miggy. Kaya bago pa man dumating sa opisina si Chief Montaro ay sinigurado na ni Kathy na maingat na niyang nailagay sa safety cabinet niya ang mga dokumento, sakaling hanapin man ito sa kaniya ni Montaro, ngunit lingid sa kaalaman ni Kathy, ang hawak niyang mga dokumento ay hindi pala mga orihinal.

Inalis lang ni Miggy ang lahat ng mga records na magtuturo sa kaniya at hinayaan na ang mga taong nakasama niya ang masangkot talaga sa mga iligal na negosasyon na nagawa nila. Pawang katotohanan lang din naman ang nakalagay sa dokumento at inalis lamang niya ang maaring magdawit sa kaniya. Hindi na rin niya tinanggal ang pangalan ni Darwin, sa halip, si Colonel Kathy na ang gumawa niyon.

***

Kinabukasan...

Natataranta ang lahat sa biglaang pagpapatawag ng meeting ni Chief Montaro, kaya pagkapasok pa lang ni Caleb sa opisina ay sinalubong na siya ni Arthuro, ni hindi na nga siya tinanong nito kung saan siya abala kahapon.

"Binisita tayo ni Undersecretary Asusacion." paliwanag ni Arthuro nang tanungin ni Caleb ang dahilan ng Urgent meeting.

"Ang DOJ undersecretary?" Tinanguhan naman siya Arthuro. "Bakit daw?" muling tanong ni Caleb. Subalit kibit-balikat lang ang tugon ng kaibigan.

Pagkapasok ng dalawa ay bumungad sa kanila ang mga seryosong mukha ng mga pili at respetadong mga tao na kasama sa meeting. Nagbigay muna sila ng pagsaludo sa mga naroon.

"Mabuti at dumating na kayo, have a seat." Inukupa ng mga ito ang dalawang bakanteng upuan, Bago umupo si Caleb ay nagsalita pa siya,"Sir, permission to-- "Subalit pinigilan siya ni Chief Montaro, "Agent Caleb, kung anuman iyan, makakapaghintay iyan hanggang mamaya." Hindi na tumutol pa si Caleb kaya naupo na lamang siya at nanahimik.

"Marami nang kuru-kuro ang tao sa raid na ginawa ninyo nitong nakaraang araw lamang. Marami nang lumalabas na pangalan, mga kilala at may mataas na katungkulan sa bansa." Tahimik lang nakikinig ang lahat sa Undersecretary. Pagkadaka'y tumingin ito kay Chief Montaro, "Alam mo na naman siguro ang gusto kong sabihin 'di ba Chief Montaro?"

"Nauunawaan ko ho Undersecretary, huwag kayong mag-alala sinisigurado ko na husto at kumpleto ang hawak naming ebidensiya bago ko sabihin sa lahat. May mga tao ko na rin ang kumikilos para paaminin ang mga nahuli namin sa operasyon, inaasahan namin na by tonight kuha na namin ang nalalaman nila. Madadagdagan pa ang mga listahan na sangkot sa human trafficking at sa mga iligal na droga na nasa pangangalaga na namin at ng PNP. This time, sinisiguro ko sa inyo na mahuhuli na natin ang mga protector at narco-pollitics na iyan na salot sa ating lipunan," seryosong banta ni Chief Montaro.

"Mahusay, Chief Montaro. Hindi nagsisisi ang presidente at nailagay ka niya sa posisyong iyan. Bigyan mo ako ng kopya ng mga final evidences na hawak ninyo nang mapag-aralan din sa departamento namin, gusto ko lang maging sigurado ang lahat. At nais ko lang din ipaalala sa 'yo hindi pipitsugin ang binabalak ninyong banggain, kaya siguraduhin ninyong magiging matalino ang team mo sa lahat ng pagkakataon."

"Alam ko, huwag ho kayong mangamba, ipapaayos ko ang mga dokumentong hawak namin. Asahan ninyo na maididiin ng grupo ko ang lahat ng may sala at ang lahat ng tumutulong sa kanila." Palihim na napatingin si Montaro sa nakatayong si Colonel Kathy. Hindi siya nakita nito dahil nakatingin lang ito sa mga kasama nila sa meeting.

"Good," dominanteng tugon ng Undersecretary sa kaniya.

***

Ilang minuto pa ay natapos din ang meeting nila, kakausapin sana ni Arthuro ang kaibigan subalit pinahinto sila ni Montaro, "Agent Zembrano, pwede bang maiwan ka muna saglit. Gusto kitang makausap nang tayo lang." Napatingin pa si Caleb kay Arthuro bago siya sumagot sa kanilang Chief. "Sige ho Chief."

"Sige pre, mauna na ako, ah Sir alis na ho ako," paalam ni Arthuro. Umalis siya sa silid at hinayaan maiwan ang dalawa.

"May nangyare ba kahapon?" bungad na tanong ni Chief nang tuluyang makalabas ng silid si De Chavez at ang lahat. "Alam mo bang ikaw sana ang inaasahan ko sa operasyon kahapon pero hindi ka nagparamdam o nagsabi man lamang?"

"Chief..." Nagdadalawang-isip pa si Caleb kung aaminin niya rito ang tungkol sa pagkawala ng kaniyang kapatid.

"Sige magsalita ka? Any Alibi regarding this?"

"Ma--ma--may kumuha ho kasi sa kapatid ko."

"Anong ibig mong sabihin?"

"May dumukot sa kaniya kahapon, at hanggang ngayon wala pa rin akong balita sa kaniya. Chief nag-aalala na ako, ni wala ngang kumokontak sa akin kung sakaling kidnap-for-ransom man iyon."

"Nai-report mo na ba ito?"

"No Sir."

"Huwag kang mag-alala, ngayon din, magse-set ako ng task force para sa kapatid mo at para matulungan ka."

"Huwag! Ah Sir! Ipagpaumanhin po ninyo, pero maari ho bang walang makaalam nito. Hayaan po ninyo na ako na muna ang unang kumilos sa kasong ito."

"Sigurado ka ba?" Tumango naman si Caleb bilang pagtugon.

"Kung gayon, wala akong magagawa. Hangad ko ang kaligtasan ng kapatid mo, bakit hindi mo isama si Arthuro sa kasong iyan, total magkabaro naman kayo."

"Sige ho Sir, salamat! Ah chief Montaro, may nais pa ho sana akong sabihin sa inyo!"

"Ano iyon? Sige sabihin mo?"

"Malaki po ang hinala ko na ang may pakana sa pagdukot sa kapatid ko ay ang sindikatong Two headed snake."

"Paano mo nasabi? Paano mangyayare iyon at bakit nila dudukutin ang kapatid mo?'

"Sa ngayon ho Chief, hindi ko pa masasabi sa inyo ang buong nalalaman ko, pero hihingi sana ako ng permiso na kung pwede hayaan ninyo akong mangealam sa kaso ng sindikatong iyon."

"Nang ikaw lang? Nahihibang ka ba? At saka... Alam mo bang hindi na natin mahahawakan ang kaso, DOJ undersecratary already sent me an order to pull out the case into our hands, magiging hawak na ito ng PNP at sila na ngayon ang mag-iimbestiga roon. Makikidutdot lang tayo sakaling mapatunayan na ang sindikatong iyon ang nasa likod Javier Family Massacre which is tayo naman ang nakatoka na humahawak sa kaso ng mga Javier."

"Sir, kahit ngayon lang magtiwala kayo sa akin. Papatunayan ko na malaki ang kinalaman ng sindikatong iyan sa pagpatay sa mga Javier maging sa pagdukot sa kapatid ko."

"Sigurado ka ba sa teyorya mong iyan ha Agent Zembrano?"

"Yes Sir!"

"Kung gayon ay sige gawin mo ang gusto mo, pero sa oras na malaman ng PNP na nangengealam ka sa kasong iyan at wala kang napatunayan, sigurado akong ikasisira iyan ng iyong karera! Kapag nangyare iyon, pasensiyahan na lang tayo. Huwag kang mag-alala may tiwala naman ako sa 'yo na kapag sinabi mo, ginagawa mo at higit sa lahat pinapatunayan mo. Sige! Tutulong ako sa abot ng makakaya ko."

"Thank you Sir!"

"Magsabi ka lang kung kailangan mo ng tulong!"

"Yes Chief!" Ganado at puno ng porsigido tugon ni Caleb at saka nilisan ang silid.

Two messages received

Agad binasa ni Caleb ang mensaheng natanggap niya, mula ito kay Darwin. Hindi siya nag-aksaya ng oras at inihanda ang sarili upang personal ng kumprontahin ang ibinigay na impormasyon sa kaniya.

***

Samantala...

"Sweety, are you ready?" tanong ni Miggy mula sa kabilang linya.

"Yes Uncle"

Kasado at planado na ang lahat, nagawa na rin pasukin ni Miggy ang security system at protocol ng kanilang huling target nang walang nakakahalata, syempre sa tulong ng modernong kagamitan at via satellite ay nagawa niyang makapasok at magkaroon ng access sa system ng mga ito.

Maaliwalas ang araw, pangkaraniwang kumikilos ang lahat.

"Paano si Caleb?" biglang natanong ni Czarina.

"Huwag mo siyang problemahin, bahala na si Darwin sa kaniya."

"Okay."

"We should stick to our first plan, when I give you my signal, saka ka kumilos. Do you copy?"

"Yes Uncle." Then after that, panandalian in-off ng dalawa ang komunikasyon, para masimulan na ang plano.

Nasa tapat ng isang malaking building ang itim na kotse ni Miggy, lumabas siya mula roon. May mga nakasunod sa kaniya na mga sariling tauhan na mula sa mga sasakyan nag-convoy sa kaniya patungo sa lugar.

Pormal, edukado at seryosong Miggy ang pumasok sa loob ng malaki at mataas na establisyementong iyon. Pagkakita sa kaniya ng mga staff na nasa loob ng building ay tila otomatiko siyang nakilala ng mga ito, may isang babae ang agad lumapit sa kaniya. "This way sir."

Idinaan ang grupo ni Miggy sa isang tila scanner para matukoy kung anu-ano ang mga dala nilang deadly weapon kung mayroon man.

Samantala, sa isang silid kung saan minomonitor din ng mga piling tao sa loob ng building na iyon ang bawat dalang armas ng pangkat ni Miggy. Advance devices din ang mga gamit nito sa pagbabantay sa seguridad ng building. Dahil high-technology ang gamit nila, madali lang nilang nakuha ang complete details nang dumaan sa scanner ang grupo ni Miggy. Inalam lang nila kung ano ang mga baril na hawak nila at kung ilan ang mga ito. Hindi na nila pina-surrender ang mga iyon.

Pagkatapos ma-record ang kanilang mga dala ay hinayaan na silang makapunta sa exclusive room kung saan naghihintay ang ka-meeting ni Miggy. Nilalathala lamang nila ang dalang armas ng grupo ni Miggy at hindi kinukuha, para kapag nagkaroon ng labanan ay alam na nila ang mga ipanlalaban ng mga ito sa kanila.

Pumanhik sa 37 flr. ang sinasakyan nilang elevator. Nang makarating ay agad na tinungo ang isang malawak subalit pribadong silid. Ang silid kung nasaan naroon ang taong kakatagpuin ni Miggy. Mula sa sampung kasama ay dalawa lamang ang hinayaang makapasok sa sa loob kasama niya. Ang ilan ay naghintay na lamang sa labas ng silid. May mga kalalahikang nagbabantay din sa mga ito.

"Long time no see, kaibigan! Natutuwa akong makita ka," sarkastikong bati sa kaniya ng isang dating kaibigan di umano. Nakaupo lang ito sa tapat ng kaniyang lamesa at tila hinihintay talaga ang pagdating ni Miggy.

"Lagi talagang magka-opposite pag-iisip natin! Migs, hindi na talaga tayo nagkasundo sa anumang bagay. Dahil wala naman nakakatuwa sa pagkikita nating dalawa. "

"Miggy, Miggy, Miggy, Hindi ka pa rin nagbabago, deretsahan ka talaga kung magsalita, walang preno. Alam mo, dahil sa mga ginawa mo para kang naging isang mailap na lobo, patago lagi kung maglaro, ikaw nga itong hindi nagbago! Ha ha!"

"Hmmmn Lobo? Mailap nga. Pero ang lobo na ito, kapag hinamon, lumalaban."

Napahalakhak ng malakas ang lalaking kausap ni Miggy sa katatapos lamang na mainit na pasaring nila sa isa't isa.

"Sabi mo gusto mo kaming makausap dahil ibibigay mo na ang matagal na dapat naming kinuha sa 'yo?"

"Oo, ibibigay ko siya, sa isang kondisyon!" At bago ulit magsalita ay inayos niya muna ang pagkakalagay ng kaniyang necktie at pasimpleng pinindot ang nakatagong butones na nandoon. Unang gumapang ang signal kay Darwin na siyang mata ng kanilang operasyon ng lahat at siya rin ang magpapasa ng bawat signal kay Czarina.

***

Samantala...

Gulat na gulat si Arthuro nang malaman na nadukot si Yllana, isinama siya ni Caleb sa lugar na pupuntahan nila kung saan inalalayan sila ni Darwin papunta roon, siya lang ang naisip ni Caleb na makakatulong sa kaniya. Baon ang lakas ng loob ay tinungo ng dalawa ang kinaroroonan di umano ng kapatid na si Yllana.

Nakarating sila sa isang pabrika. Isang pagawaan ng mga sandalyas ayon mismo sa pagkakakilanlan ng pabrika. Gamit naman ang isang ear device ay nakakausap ni Caleb si Darwin na siyang nagtuturo sa kanila ng mga dapat gawin at daanan.

"Pre, sino ba iyang kausap mo? Mapagkakatiwalaan ba ang source mo na iyan? Papaano tayo makakasiguradong nandito nga si Yllana?" sunud-sunod na tanong ni Arthuro.

"Magtiwala ka sa akin, alam ko pa ang ginagawa ko."

"Bahala ka, para naman ito sa future wife ko!"

"Sira ulo! Anong future wife? Gusto mo patayin na kita ngayon para mawalan ka ng future?!"

"Biro lang pre he he ito naman!"

"Hindi ito oras ng pagbibiro."

Malawak ang lugar, dahil na rin sa lawak ay wala silang natatanaw na kalapit na establisyemento. Halata na ang nagmamay-ari ng buong lugar ay pribado, at kaya siguro masyadong tago dahil may anumalya ang nagaganap sa kaloob-looban ng pabrika. Matagumpay silang nakapasok sa loob sa tulong na nga rin ni Darwin. Nagpatuloy sila sa paglakad, mabilis pero maingat.

Sinabihan sila ni Darwin na pumanhik sila sa bubungan ng pabrika at doon dumaan papasok sa loob. At iyon nga ang ginawa nila, maingat na naglakad ang dalawa sa ibabaw ng pabrika. Mabuti na lamang at doon sila dumaan dahil may dalawang gwardyang nagroronda ang sumulpot sa paligid pagkatapos na pagkatapos nilang umakyat.

Maingat na binuksan nila ang bintana na nakita nila roon at doon na dumaan papasok sa loob. Bumungad sa kanila sa ibaba ang mga empleyado na abala sa kani-kanilang gawa kung saan sila nakatoka. Sa una ay pawang pangkaraniwang gawain lamang ang pinagkakaabalahan nila. Kaya naman hindi sila nakuntento sa nakikita, at ipinagpatuloy ang pagmamatyag. Tinungo nila ang kabilang bahagi ng lihar na kinaroroonan nila. Naalerto sila nang may makita silang isang bantay, nakatalikod ito habang hawak ang cellphone na tila may nilalaro. Ipinagtataka nila kung bakit armado ito ng mataas na kalibre ng baril, nakatayo ito sa tabi ng lalaki. Sinenyasan niya si Arthuro na kailangan nila pabagsakin ito ng walang ginagawa ingay.

Si Arthuro na ang dumakmal sa lalaki, sinakal niya ito habang si Caleb ay kinuha ang baril. Pilit nanlalaban ang lalaki kaya halos ibuhos ni Arthuro ang kaniyang buong lakas. Sa huli ay napatulog din siya ni Arthuro.

Bago nila ito iniwan ay itinali nila ito at sinalpakan ng tela sa bibig upang hindi gumawa ng anumang ingay sakaling magising ito.

Nang marating nila ang kabila ay doon na nila nasaksihan ang iba mga anumalyang nakatago sa produktong sandalyas. Kitang-kita nila ang ginagawa ng mga ito, may nire-repack silang mga puting bagay sa plastic at isinusuksok ang mga ito sa mismong mga takong ng bawat sandalyas at saka seselyuhan upang matakpan.

"Pamilyar sa akin ang inilalagay nila sa takong." puna ni Arthuro.

"Anong ibig mong sabihin?" bulong ni Caleb.

"Iyan 'yong mga na sabotahe namin sa raid nitong nakaraan, mga bagong droga sila na mahigpit nang ipinagbabawal ng DOH at ng gobyerno dahil sa masamang epekto nito sa pag-iisip at katawan ng tao. Iyan ngayon ang ebidensyang meron tayo patungkol nga sa bagong droga na rito mismo bansa natin ginawa, sa makatuwid,ang bansa natin ang suplayer ng tole-tolenadang droga na iniiaangkat ng mga taga-ibang bansa."

"Hindi ba't sangkot ang Two Headed Snake sa ginawa ninyong pag-raid? Ibig sabihin malaki ang tyansa na ang pabrikang ito ay pagmamay-ari nga ng sindikatong iyon. At ibig sabihin din may kinalaman nga sila sa pagdukot sa kapatid ko? Tama si Czarina!" Hindi sinasadyang nadulas ang dila ni Caleb at nabanggit niya ang tungkol kay Czarina.

"Pre, Czarina? Iyon ba 'yong namatay sa pamilya Javier? Teka anong ibig mong sabihin pre?"

"Ha? Wa--wala pre! Mag-focus k na lang. Kailangan natin mahanap si Yllana. Nararamdaman kong nandito lang siya."

Naalala ni Caleb na binigyan nga pala siya ni Chief Montaro ng surveillance camera bago sila nagkahiwalay, tukong sa gagawin niya para mangalap ng ebidensiya.

Ganoon nga ang ginawa ni Caleb. Nai-on ni caleb amg butones ng suot niya at sinigurado na maayos itong gumagana. Isinuot din niya ang eye-glasses na magsisilbing monitor niya. Dito niya mas detelyadong makikita ang mga nakukuhanan ng modernong surveillance camera niya. Automatic nitong na se-save ang mga impormasyon . Kaya niyang makita malapitan ang mga bagay na nilalagay sa mga sandalyas ng mga naroon sa ibaba. Mga drogang isinisiksik sa loob mismo ng mga takong. Maging ang mga mukha ng mga taong nasa ibaba ay malinaw na naoobserbahan ni Caleb, pati nga ang mga nakausling mga tatoo nito na nagpapatunay na miyembro sila ng two headed snake.

"Break Time na guys!" sigaw ng isang matabang lalaki sa mga taong nasa ibaba. Pagkasabi nito ay isa-isa nang nagpulasan ang mga ito. Ito ang kinuhang tyempo ng dalawa para makababa mula sa tulay na kanina pa nila dinadaanan sa kisame ng pabrika.

Nilapitan nila ang mga produkto naiwan ng mga ito, ang ilan sa mga ito ay hindi pa naseselyuhan. Nasaksihan at nahahawakan nila ang mga ebidensiyang naroon. Tinikman ni Arthuro ang mga puting tila buhangin at doon napagtanto na positibong shabu nga ang mga ito. May mga botelya rin silang nakita na nakasilid kasama ng mga shabu. May kung anong likido ang nasa loob ng maliit na botelya.

"Zembrano! Kelangan n'yo nang mahanap ang kapatid mo, you only have 10 mins. Dahil maya-maya lang ay magbabalik na ang mga nagtatrabaho riyan," paalala ni Darwin mula sa kabilang linya. Tanging si Caleb lamang ang nakakarinig niyon kaya naman tinapik niya sa balikat si Arthuro at sinenyasan ito na simulan na ang paghahanap sa kaniyang kapatid.

Humantong sila sa bandang likuran ng pabrika na iyon, pinasok nila ang isang pintuan at bumungad sa kanila ang isang hagdan pababa na tila patungo sa basement ng lugar. Nang buksan nila ang malaking vault na naroon, laking gulat nila nang makita ang pagkukumpulan ng mga kababaihang hindi lalagpas ng singkwenta.

Ang iba ay mga natutulog at ang ilan naman ay nakatulala na lamang na para bang wala sa sarili. Dali-dali namang humingi ng back up si Caleb kay Chief Montaro pagkatapos ay isa-isa nilang sinilip ang mukha ng bawat dilag na naroon upang hanapin si Yllana.

"Yllana!?"

Bagamat kakarimpot ang liwanag sa loob ng kanilang kinalalagyan, ay mababanaag pa rin aa mukha ng mga babaeng naroon ang takot nang makita sila Caleb na lumabas mula sa pintuang pinasukan nila.

***

Matapos siyang bigyan ni Darwin ng signal ay nagsimula na rin si Czarina na kumilos. Tulak-tulak niya ang isang Plastic Garbage at nakasuot ng pang garbage collector. Taglay niya ang kulubot na balat at namumuting buhok, nagsimulang siyang maglakad papasok sa building na iyon. Sa likod ito dumaan, na pangkaraniwang daanan ng mga nasa maintenance at security. Hinarang siya ng isang gwardiyang nagbabantay doon, "Lola, pwede ko bang makita ang ID ninyo?"

"Ano kamo?" wika niya gamit ang pang matandang boses ng isang babae. Walang bakas ng Czarina ang makikita sa kaniya, kundi isang simple at uugod-ugod ng matanda na kahit sino hindi paghihinalaang nagpapanggap lamang siya.

"Sabi ko 'yong Identification Card n'yo ho?" ulit ng gwardiya.

"Ahh ID ba kamo? Naku Hijo pagpasensiyan mo na ako, ha apo. Humihina na rin kase pangdinig ko dahil sa edad kong ito. O heto ID ko." Sabay abot ng ID sa gwardiya. Nang makumpirma na may autorization siya na pumasok sa lugar para kolektahin ang mga basurang nasa loob ay ibinalik na sa kaniya ng gwardiya ang pekeng ID niya, Kaya naman malayang naglakad si Czarina papasok sa loob, tulak-tulak ang may kalakihang garbage bin. Lingid sa kaalaman niya, ay hindi niya pala na-shoot nang maayos sa bulsa ang ID, isinuksok na lamang niya kasi ito basta-basta sa suot niyang Apron kung saan nakalagay ang mga props na panlinis.

Matagumpay na nakapasok sa loob si Czarina, dumiretso siya sa janitor room at tinanggal ang mainit, makapal at kulubot niyang maskara. Maging ang wig at ang pang disguise na damit ay inalis na rin niya.

Sa tulong ng blue print na pinag-aralan nila at paggabay sa kaniya ni Darwin ay tahimik niyang inakyat ang nagpasikot-sikot sa loob ng building na iyon.

Samantala, huli na nang mapansin ng gwardiya ang nabagsak na ID ni Czarina. Agad niya itong kinuha, nagdesisyon ang gwardiya na sundan ang matanda para ibalik ang ID nito Nang marating niya ang Janitor Room, ang tanging naabutan na lamang niya ay ang Cart, Garbage bin at ang mga nakabalandrang damit, isang maskara ng kulubot na mukha at ang namumuting wig ng isang matanda. Nakita niya ang mga ginamit ni Czarina na pang-disguise.

Naalarma ang gwardiya at dali-daling nag-ingay gamit ang sariling radyo.

***

"Bakit ikaw ang humaharap at hindi si Anitohin? Nasaan siya? Huwag mong sabihing natatakot siya?" pang-aasar ni Miggy. Nakade-otso pa ang pag-upo nito sa sofa at nakaharap kay Migs Arabis na isa sa mga stock holders nang kumpaniyang iyon at kabilang sa mga iginagalang na Big three ng Two Headed Snake Syndicate.

"Hindi niya ba nabanggit sa iyo na ngayon ang official declaration niya nang kaniyang candidacy para sa susunod na halalan?"

"Hindi ito kasama sa napagkasunduan namin, ang gusto ko siya ang kukuha ng ibibigay ko." Pagmamatigas ni Miggy. Habang nagdidiskusyunan ang dalawa, abala naman si Darwin sa pag-check sa impormasyong narinig niya mula kay Migs. Naririnig din kasi niya ang mga napag-uusapan ng mga ito sa tulong ng earpiece na suot ni Miggy.

Nakumpirma niya na kasalukuyang ngang nagpapabango si Anitohin sa taong masa kasama ang mga suporters niya.

"Mukhang naisahan tayo ni Anitohin ahh Miggy," pang-asar na komento ni Darwin habang na sa kabilang linya at pinapanood sa monitor ang live interview kay Anitohin.

"Parang minamaliit mo ang tulad ko Miggy, baka nakalimutan mo. Isa rin ako sa mga tumatayong lider ng grupo."

"Kilalang-kilala kita Migs, at alam kong wala akong mapapala sayo." Pagkarinig nito ay bahadyang tumaas ang kilay ni Migs at naigusumot na lamang ang kanang kamao upang pigilin ang pagkayamot.

"Miggy, mag-iingat ka sa pananalita mo, baka nakakalimutan mo. Nandito ka sa isa sa mga teritoryo ko." Pagkasabi nito ay tila nagbigay ng sensyales si Migs sa isa sa mga tauhan nila na nakatayo lamang doon. May isang lalaki mula sa two headed snake ang agad na nagtutok ng baril sa ulo ni Miggy, mula naman sa tauhang kasama ni Miggy ay humugot din ito ng baril at itinutok naman sa ulo ni Migs. Hanggang sa ang bawat kalalakihan na naroon ay nagkatutukan na lamang ng baril sa mga kalaban ng kanilang boss.

"Iyan ang problema sayo Migs, dinadaan mo sa init ng ulo. Diyan kayo nagkaiba ni Anitohin. Haha." Nagbitaw ito ng mapang-asar na halakhak. Nanatili pa rin namang nakatutok ang mga baril ng magkabilang grupo sa bawat isa.

***

"Yllana?" wika muli ni Caleb sa isang babae pero hindi pa rin ito ang kapatid niya. Hanggang sa natuon sa isang babae sa may sulok amg pangin niya, tahimik lang itong nakaupo at nakatalikod sa kaniya, kilala niya ang kapatid kahit nakatalikod, maging ang kasuotan. Hindi siya pwedeng magkamali, kapatid niya ang babaeng iyon.

Agad siyang lumapit at nang iharap niyang ang babae sa kaniya ay tila binuhusan siya ng sabay nang malamig at mainit na tubig, "Yllana!"

Bumungad sa kaniya ang tulalang kapatid, halata sa mga mata nito ang tila takot na halos ikatirik na ng mga mata nito. Halatang pinagamit siya ng ipinagbabawal na gamot, agad niyang tinawag ang kaibigan upang humingi ng tulong, "Arthuro! Dali tulungan mo ako!" Agad tumakbo palapit sa kaniya ang kaibigan. At nanlumo rin sa kaniyang nasasaksihan.

"Ka--kailangan siyang madala sa hospital agad, dahil kundi baka hindi na kayanin pa ng kaniyang katawan kung anuman ang ibinigay sa kaniya," malungkot at kinakabahan na pahayag ni Arthuro.

"Dali tulungan mo ako buhatin natin siya."

"Paano ang mga babaeng ito," puna ni Arthuro.

"Pati ang mga naririto, kailangan nating isa alang-alang ang kaligtasan nila." Hindi malaman ni Caleb ang gagawin,pero sa ngayon, isa lang ang tumatakbo sa isipan niya, kailangan niyang mailigtas ang kapatid.

***

"Get ready Hija, Oras na!" masiglang wika ni Darwin kay Czarina gamit ang communication devices na kumokonekta sa kanila. Napangisi naman si Czarina at kita sa mga mata niya na ganado at handa na siya sa plano nilang ito.

To be continued...

Sorry sa super duper extra late updates, sorry na.

Konti na lang matatapos na tayo guys! Hehe.