Simple lang ang lahat,
Mura ang bilihin,
Mga bata'y masayang naglalaro sa lansangan,
Mga pamilya'y sabay-sabay na naghahapunan.

Sagana ang bakuran
Mga puno'y nagtataasan,
Malinaw ang tubig sa batis.

Banayad ang simoy ng hangin,
Maaliwalas ang Himpapawid
Maganda ang tanawin.

Ngunit ang lahat ng ito'y tanging sa gunita ko na lamang nasisilayan,
Hinihiling na sana'y bumalik na lamang sa nakaraan—
Isa nga lang iyong malaking kahibangan dahil ang oras ay pasulong sa kinabukasan,
Kung kaya't ang lahat ay inaalala na lamang habang pinagmamasdang lumubog ang araw sa kanluran.