makakarating pa ba ang mensahe
kung ito'y lulukutin at isasantabi
sa takot at pangamba na ako'y kamuhian
o kaya ay kasuklaman

hindi ko puwedeng isigaw
hindi ko puwedeng ipagmalaki
ngunit matagal ko nang kinikimkim
ako'y madinig, maintindihan, aking pinagbabasakali

makakarating ba ang mensahe
bigyan ako ng pagkakataon, gusto kong masabi
patawad sa kaduwagan
gusto ko lamang, ika'y makilala pa't maunawaan