Ian Boiser / Ivy Jane / NialleAihara

 Pagsulat ng Tulang Pasalaysay 

 Kalam na sikmura ang iniinda; 

Habang nagpupulot ng basura. 

Dasal ang liwanag sa gabi--- 

At kaligtasan sa'tin ay muling magsisilbi.

 Matrikula'y mababayaran ko na--

 Nang inipon na pera ni ina. 

Mapapawi ng matamis na ngiti ang labi--

 Habang muling maglalayag ng may lakas na hinabi.

 Sa 'di nakikitang mga kalaban; 

Pangamba'y 'di maiwasan; 

Babaunin ang hirap at muling sasabak; 

Sa suportang matatanggap--

 katataga'y 'di madaling masibak.

 Nagulantang ng aking nalaman, 

Pader na sandigan ko'y natamaan.

 Labanan ang delobyo'y napakaimposible; 

Sa padaang araw--pandemiko'y mas naging miserable.

 Sa pagtatapos ng mahirap na eksena--

 Malalagpasan ang lahat ng pagdurusa; 

Init ng puso'y muling liliyab--

 at adhihakaing matatag ay waging sisiklab. 

 Magbabalik sa paaralan at bagtasin ang dating daan; 

Matungtungan ang taas ng bahagdan at magwawagi sa larangan; 

Sisingaw ang init ng apoy at magbibigay sa'tin ng lakas ng loob; 

Magkaroon ulit na pag-asa at magkaroon ng katuparan ang lahat ng ating kutob.